Joan zan astebukaeran Andarto Mendia igo gendua Araotz Urruti auzotik
aurreko astean egindako elurrak paisai ederrak utzi zizkigun 800 mt-tik
gora zuhaitz danak elurtuta zeuden irudi politak eskainiz,
hori bai hotz handia -4ºC ren bueltan bide guztian zehar, hemen uzten dizkizuet argazki batzuk.
Eta hemen uzten dizuet bertan ataratako argazkiekin eta Itoiz taldearen Elurretan abestiarekin egindako bideo bat.
Hemen ikus dezakezue egindako bidea.
Ondo izan
Iñaki
Negua etorri da gurera eta horrelako aukerak ezin dira alperrik pasatzen laga. Larizek eta Eñautek Butreaitz aldean elur nahikoa dagoela esan digute eta zapatu goiza inguru hoietan pasatzeko plana egin dugu.
Elgoibar elurrik gabe dago baina Bergaratik gora paisajea txurituta dago. Prezipitaziorik ez dago Elgoibarren baina Oñatitik gora giroa lainotuago eta elurra ere ari du.
Arantzazura heltzean kotxe mordoxka bat dago. Giroa ez da oso txukuna baina ez gera bakarrak antzeko planakin.
Gorutz abiatu gera eta gurekin batera jende gehiago dijoa gu bezela eski gainean. Erdi bidean haizea elurrarekin nahastuta bazterrak nahasten dabil. Lainoak ez du paisajea ikusten lagatzen.
Zelaiarekin topo egin dugu. Elgoibartar gehiago ere hemen daude. Goian giroa ezatsegina dela dio baina goraino heltzeko moduan dagoela dio eta guk goraka egin dugu.
Bentiska artean gora heldu gara. Foka-larruak kendu eta beheraka. Ai ama!!! hauek ez dira estazioetako pistak eta hemen ikusten da zeinek dakien jaizten eta zeinek ez.
Beheraka goazela jende asko dator goraka. Eski goze asko dagoela garbi dago.
Poliki-poliki egin dugu beraka. Osorik heldu gara kotxera. Gose gera ta bazkaltzeko ordua ere bada. Kotxean kalefa jarri ta gustora etxera. Goiz plana bikaina.
Aurtengua ez da izan Elgoibartarren kopuru handixeneko altitoya. Halere, aurten ere makina bat izan dira bertan parte hartu daben eskiatzailiak.
Batzuk erronkeri aurre egitiarren, beste batzuk aldiz ondo pasatziarren, eta beste batzuk altitoyean parte hartu ez arren lagunak animatu eta giroa ikustera gerturatu ziran Luz Saint Sauveurrera jun zan astebukaeran.
Hilabete pasa neguko urtaruan sartuta egon arren, ez da baldintza onegirik egon mendi eskia praktikatzeko. Elur gutxi, eta zegoen gutxia izoztuta, mendia oso arriskutsu egon da. Hori horrela izanik, bat baino gehiago beldurturik zegoen ea zer gertatuko zen Altitoyarekin. Euskaldunontzat urteko zita garrantzitsuena da Toy bailaran jokatzen den bikotekako proba hau.
Halere, probaren gidari lanetan dabiltzanen mendiaren ezagutza paregabeak eta hauen bisioak (Aipatzekoak Didier Nogué eta Andoni Areizaga) benetako proba alpino bat diseñatu eta egin zuten aurten ere.
Jerga honetan alpinoak zera esan nahi du, espektakularra, gogorra, teknikoa, ikusgarria, basatia, hots parerik gabea. Jada mendi eskiaren erreferentzia den Pierra Mentaren inbidiarik ez dauka ibilbideen ikusgarritasuna kontutan hartuko balitz. Luzera eta etapa kopuruan saltotxo hori ematea bakarrik falta zaio anaia txikiari nagusia bestekoa edo gehiago izateko.
Are gehiago, Pierra menta lasterkari espezializatuenen bilgune den bitartean, Altitoyk bi multzoak uztartzen ditu, agian gero eta banatuago beraien artean: batetik etapa gogor, luze eta alpinoak bilatzen dituzten eta lasteketetan zailduak dauden mendi eskiatzaileak, eta bestetik etapa motxago, baina ikusgarriak egitea nahi dutenak, proba batek daukan segurtasuna bematurik.
Zapatuko etapan A ibilbidekoek, edo ibilbide gogorrenekoek 2000 mtako eta 20kmtako ibilbideari aurre egin behar izan zioten, tartean lau igoera eginaz eta kranpoiak hirutan jarriaz. B ibilbidekoek erdia baino zertxobait gehiago, hasera eta bukaerako zatiak berdinak zirelarik.
Igandean berriz, esperotakoa baino giro txarragoa egin zuen, eta azken orduan ibilbidea aldatu zuten. Duela bi urte bezelaxe herriko plaza bertatik atera zen lasterketa, baina aurrekoan beste elur egin ez zuenez, igoera bakarra eta jeitsiera motx bat egin zuten lasterkariek.
Elgoibartarreri eta Morkaikoko bazkideeri dagokienez, hasera batean emandako izenez gain, gehiago agertu zaizkigu oraingoan. Barka aurreko informazioetako akatsengatik, zerrenda ofizialetan ez bait ziren zuzen agertzen. Berriz ere akatsen bat balego, mesedez jarri gurekin harremanetan.
11 lagun zenbatu ditugu oraingoan; 4 A ibilbidean eta 7 B ibilbidean. Guztiek bukatu dute aurtengo Altitoy proba.
A IBILBIDEA |
Larunbata |
Igandea |
|
Lariz Azkue, Iñigo |
4:18:59 |
3:04:00 |
1:14:59 |
Irureta Arrieta, Arkaitz |
4:44:58 |
3:43:31 |
1:01:27 |
Leonardo Azkue, Iker |
5:25:09 |
4:12:36 |
1:12:34 |
Elustondo Agirregomezkorta, Joseba |
5:25:09 |
4:12:36 |
1:12:34 |
B IBILBIDEA |
Larunbata |
Igandea |
|
Izagirre Estibaritz, Eñaut |
3:41:00 |
2:50:21 |
0:50:39 |
Salaberria Sorondo, Aitor |
4:29:17 |
3:30:30 |
0:58:47 |
Salaberria Sorondo, Nagore |
4:29:17 |
3:30:30 |
0:58:47 |
Oñederra Etxeberria, Amaia |
6:05:50 |
4:56:46 |
1:09:04 |
Romera Irizar, Aitor |
6:23:29 |
4:49:01 |
1:34:28 |
San Martin Palacios, Manex |
6:23:29 |
4:49:01 |
1:34:28 |
Zubizarreta Gurrutxaga, Amagoia |
6:23:35 |
4:49:06 |
1:34:29 |
Postuak aipatzekotan, Iñigo Larizek egindakoa aipatu nahiko genuke. Emaitzetan horrelakorik ikusten ez bada ere, Mikel Navarro Arrasaten bizi den urretxuarrarekin egin zuen proba aurtengoan.
Hasieran Iruretarekin apuntatu bazen ere, honek altitoy irabazteko aukerak zituelako azken astean Mikelekin egitera animatu zen, txapela elgoibarrera ekartzeko aukera paregabea zegoelako. Euskaldunen artena proba irabazteko faborito nagusiak ziren beraz. Halere, bikote aldaketa in extremis egin zen, azken astean, eta ez zuten azken puntua entrenatzeko astirik eduki.
Zapatuko etapan hasera haseratik aurre aurrean atera ziren, eta azken igoera arte lehenengo postuan mantendu ziren. Puntu horretan entrenamendu faltagatik azken metrotan bi postu galdu zituzten.
Etaparen bukaeran hauxe zioen Mikelek: “Oso gustora joan naiz Iñigorekin. Lehenengo aldia zen batera korritzen genuela, baina oso ondo konpenetratu gara lehenengo unetik. Pena aste batzuk lehenago ez jakin izana berarekin parte hartuko nuela, hartara punttu bat gehiagorekin etorriko ginen”.
Igandeko etapa eguraldiagatik laburtu zenez, berriz ere Mikel eta Iñigo ziren faborito. Bien explosibidadeak ikaragarriak dira, pentsa, Bandresen omenez jokatu zen kopan bigarren eta hirugarren egin zuten hurrenez hurren, horregatik ziren faborito. Halere, distantzia laburregia zen lehenengoek ateratzen zizkien 3 minutuak berreskuratzeko.
Ziztu bizian atera zen bikotea Luz-eko plazatik, eta gora orduko rankin orokorreko 5. eta 10 postuen artean zeuden, hor nonbait. Horrek aurre aurre aurrean zeudela esan nahi du. Bezperako denboretan lehenengo postuan zeuden naparreri distantzia handia ateratzen zieten, eta beraiengandik 30 segundutara zegoen bikoteari, hots, euskal herriko kopako bigarrenekiko, Lander eta Iñakirekiko abantaila ere oso erosoa zen. Jeitsiera labur bat besterik ez zuten txapela jazteko, baina zerbaitengatik esaten da helmuga pasa arte ez besorik altxatzeko, izan ere, azken jeitsieran egiten ziharduen elurrak eragiten zuen bisibilidade txarrarengatik Iñigok eroriko bat eduki zuen eta eskia galdu zuen. Hain zorte txarrarekin, eskia aurkitu izan balu jarraitu ahal izango lukela, baina aurkario guztiak pasatu ziren beraien muturren aurretik eskia aurkitu arte, ehun metro behera erorita eta elur jausi berriaren azpian ezkutatuta zegoen eta.
Eñautek ere ez zuen makaleko lana egin, Aitor Igarategi anoetarrarekin batera, euskaldunen artean B ibilbideko 5. postua erdietsi zuen eta klasifikazio orokorreko 8. Kontutan eduki konpetizio talde ezberdinetako gazteek hemen parte hartzen dutela, eta piriniotako hoberenak zeuden lasterketa honetan.
B ibilbidekoak A-koak baino 5 minutu beranduago atera arren, konpetizio taldetako hauek Akoekin batera ateratzen dira. Halere, gazte hauekin burrukan ibili zen Eñaut eta Aitor. Beste era batean esanda, B ibilbideko seniorren artean 3.postua lortu zuten.
Proba bukatu ostean Eñautek zera zioen: “Gure ibilbidia motza ein jakun arren, teknikua zan oso, bai korredore zein elurran egoeragatik, baina era berian edarra iruditxu jakun, alpinua esaten dana! Larunbatian, karrera nahiko atsegina ein gendun, aurreko parejen artian amaitxu genualarik, eta igandian,biharrezko ibilbide aldaketak ein ostian, guretzako karrera aproposa zala ikusi genduan, Aitor fondotik datorrenez oso ondo deslizatzen baitu, eta hala, korrika topera ateratziaz gain, eskixekin igoera azkar eta konstante bat ein genduan B ibilbideko 5. postua lortuz, eta gaztiak kenduta, 2. postua lortuz. Halere, ezin rekorriduen ikusgarritxasuna aipatu gabe laga, batez ere larunbatekua, baina baitxa igandian, enkanto handixa auki baitzaban, plazatik korrika urtetziak”.
Bideo honetan Larunbateko irudiak ikusi daitezke:
Hona astebukaeran ateratako argazkiak:
Probaren orri ofiziala: http://www.altitoy.com/
Prentsan atera dena: http://desnivel.com/esqui/miguel-caballero-repite-triunfo-en-el-open-altitoy-ternua
Ibilbideen xehetasunak GPSz hartuta pirukeriak blogean: http://pirukeriak.blogspot.com/
Iñigo Lariz geratu gabe dabil mendi eski lasterketetan. Urtarrilak 15ian Kataluniako Boi bailarara juan zan espainiako koparako puntuagarrixa zan lasterketan parte hartzera. Ez hori bakarrik, aurre aurrian ibiltzea lortu zaban elgoibartarrak.
Negu honetan ohikoa danez, elurrik apenas egon arren, pistetan pilatuta daguan elurra aprobetxatzen ekin zioten lasterketari. Ondoren mendixan beste hiru igoera eta beste hainbeste jeitsiera egin behar izan zaben, orotara lau igoera eta jeitsiera.
Iñigo gogor hasi zan, lehenengo zortziren artian. Kontutan edukita aurreko talde horretan munduko koparako leihan ari diran batzuk daozela, ikaragarrizko postu ona da. Atara kontuak, aurreko gehixenek egunero eskiatzen dabe.
Halere, zortia ez zaban aldeko eduki Iñigok, eta bigarren igoeran eskixaren lotura edo fijazio batekin arazoa eduki zaban, eski bat askatu eta 30bat metro behera erori jakon. Halata guztiz be, eskixa berriz ere hartzeko zortea eduki zaban eta lasterketari berrekin zion. Amorruak lagunduta eskixa galdu aurreko posturaino igotzia lortu zaban.
Kasu hauetan burua hotz mantentzia garrantzitsua da, eta egindako gain esfortzua hurrengo bi igoeretan ordaindu zaban Iñigok, indarrak falta eta postuak galtzen hasi zanian.
Azkenian meritu handiko 14.postua egitia lortu zaban. Oso emaitza ona, baina lehenengo hamarren artian burrukan ibili ostian zapore gazi gozoarekin iritsi zan gure txapelduna.
Lariz, hainbat kirol ezberdinetan punta puntako kirolarixa izan arren, normala da mendi eskixan horrelako gauzak pasatzia, pentsaizue, ez dabe alperrik esaten mendi eskixan bakoitzan maila emateko gutxienez 3-4 urte bihar dirala.
Boi Bailarako emaitzak:
http://www.ribagorzaromanica.com/fitxers/clasificacion-categorias-camp-ski-montana
Baina Iñigok kirol honetan eskarmentu handixa daukala zalantzarik ez, astebete beranduago maila gorenian leihatzera juan zan Iñigo. Andorrako Ordino Arcalis eski pistak izan ziren beste behin piriniotan mendi eskiko maila gorenaren anfitrioi.
Larunbatean Pal-Arinsal sektorean kronoigoera jokatu zen. Euskaldunek ez zuten parte hartu, izan ere, bezperan oso berandu iritsiko zirela aurrikusten bait zuten eta indarrak iganderako gordetzea erabaki zuten. Sektore honetan elurrik apenas dagoela kontatu digu Iñigok.
Bixamunian berriz, Ordino Arcaliseko pistetan zeukaten lasterketa. Hemen elur gehiago zegoen, baina ez soberan. Halere, antolakuntzak ibilbide bikain eta polita osatu zaban; Bost tontor egin behar izan zituzten eskialariek, igoera oso teknikoak, bi zatitan kranpoiak erabiliaz. Irabazlea, Kilian, Zegama-Aizkorriko lasterketa makina bat aldiz irabazi duen kataluniar gaztea. Profesionalak aurretik, baina euskaldunen artian Lariz eta Tirapu Iruñarraren artian leiha ikaragarrixa egon zala ezin ukatu. Azkenian segundu bakarran aldiakin bukatu zaben lasterketa lehenengo 50en artian. Ikaragarrixa!
http://www.skimountaineering.org/RESULTS/2012/2012_01_22_Font_Blanca.pdf
Hona hemen, aurrean dabizen lasterkariek nola jartzen dituzten fokak!
Eta hona Andorrako lasterketako laburpena:
Eta konpetiziuan maila profesionalenetik maila herrikoienera salto egingo dogu: Elurra notizia izan ez arren, eskaxian ere moldatzen dira elgoibartarrak. Datorren astebukaeran ospatuko da Altitoy famatua, euskal herriko mendi eskiko festa. Proba berean jokatuko da euskal herriko bikotekako txapelketa.
Aurtengoan izenemateak zabaldu eta bi egunetan bete ziran plazak. Segurtasun arrazoiengatik antolakuntzak ezin dau 500lagun baino gehixagoko proba bat egin mendixan, eta badirudi festa honetan parte hartzeko askoz lagun gehixago prest daudela.
Izan ere, bere ibilbide alpino eta erakargarriengatik da ezaguna Altitoy. Eguraldia eta elurra lagun baldin badaukate, bi egunez eskixak jantzitxa hainbat igoera eta jeitsierez gain, eskiak bizkarrean hartuta ibiliko dira Luz Saint Sauver inguruetako korridore, kresta eta mendi tontorretatik. Horien artean 8 elgoibartarrek parte hartuko dabe, tartian eta bigarren aldiz elgoibartar neska batek ere parte hartuko dau proban; Amaia Oñederraren lekukoa Amagoia Zubizarretak hartuko duelarik aurtenguan. Animo guztieri
Aitor Romera Irizar
Joseba Elustondo Agirregomezkorta
Arkaitz Irureta Arrieta
Eñaut Izagirre Estibaritz
Iñigo Lariz Azkue
Iker Leonardo Azkue
Manex San Martin Palacios
Amagoia Zubizarreta Gurrutxaga
Kaixo Morkaikozaleak,
Lehenik aurkezpentxo bat egin nahixan, MELT zer den esplikatzen hasiko gera. Morkaiko Eski Lasterketa Taldeari jarri diogu MELT izena. Blog honen xedea, parte hartzen dogun lasterketen berri ematia da, baina ez soilik emaitzen ikuspuntutik baizik eta gure esperientziak eta lasterketen eta mendien berezitasunen berri eman nahi dogu.
Hasi aurretik, mendi elkartiari eskerrak eman nahi dizkiogu euren, gure, danon baliabideak gure esku jartziarren.
Lehenengo post-a izanik, aldez aurretik gaurko eta etorkizuneko akatsengatik barkamenak eskatuaz hasiko gera, eta jarraitzeko, zer hoberik notizioi batekin hastia baino?
Jun zan domekan Aretten jokatu zan Antxon Bandres memorialaren kronikarekin hasiko gera:
 |
| From 20120108 bandres arette |
Antxon Bandres memoriala, Euskal Herriko kronoigoera txapelketa Aretten
2012ko urtarrilaren 8an Aretteko eski pistetan jokatu zen Euskal Herriko kronoigoera txapelketa. Aurten txapelketa honek beste formatu eta leku bat hartu du. Aurreko urtetan Regil koparekin batera jokatzen zen, baina udazkenean zendu zen Antxon Bandres, Euskal Mendizale Federakundeko mediku eta lehendakari ohi eta eskiatzaile eta mendizaleari errekonozimendu bat egin nahian Arette-San Martingo harria eski pistan egitea erabaki da aurten.
Zalantzarik gabe, proba berezia izan zen, azken urtetan mendi eskiko lasterketetan aritutako ia guztiak izan baitziren bertan. Batzuk jada konpetizioko eskia albo batera lagata eduki arren, artzaiaren hutsunea bete nahiak artaldea bertan batzea ekarri zuen. Ez ziren lasterkariak falta ez antolakuntzan ez eta parte hartzen ere.
Dena prest egon arren, azken orduan ibilbidea aldatu zuten. Elur izoztuagatik lasterkarien segurtasuna bermatzeko asmoz, ibilbide luze bezain polit bat egin zuten, Aretteko pistak alderik alde zeharkatzen zituelarik, tartean tabernagunearen aurretik pasatuaz ikusleen gozamenerako.
600mko desnibela egiteko sei kilometro inguruko ibilbide luzea egin zuten lasterkariek.
Elgoibartarreri dagokienez, azken orduko arazo batzuk medio hiru lasterkarik besterik ez zuten parte hartu, Iñigo Lariz, Eñaut Izagirre eta Arkaitz Irureta (Piru)k
 |
| From 20120108 bandres arette |
Lasterketa hasi orduko, Jacatik etorritako guardia zibilak jarri ziren aurreko postuetan, baina Iñigo Lariz eta Javier Tirapu, azken hau ere Jacan bizi den Iruñarra, hirugarren eta laugarren postuetan sartu ziren.
 |
| From 20120108 bandres arette |
Hortik aurrera lasterketa finkatzen joan zen. Lehenego biek aldea atera zuten, eta hala egin zuten euskal herriko kopako lehenengo postua jokatzen ari ziren hurrengo biek ere. Halere, beste guztietatik distantzia hartu arren, estu zegoen garaipena.
 |
| From 20120108 bandres arette |
Nahiz eta aldapa gutxiko unetan Tirapuk distantzia atera, malda gogorragoetan gainera etortzen zitzaion Lariz, eta horrela aritu ziren lasterketak irauten zuen 6 kmetan. Azkenean, eta 24 segundu exkaxengatik, Tirapuk irabazi zuen txapela, eta Iñigok meritu handiko bigarren postua lortu zuen, beretzat aproposa ez zen ibilbidean eta Jacan bizi direnekin batera erakustaldia emanaz, gainontzeko euskaldunengatik distantzia erosora, aurten gainontzekoak baino maila bat gorago dagoela erakutsiaz
Atzetik zetorren taldea, bakoitza bere postuagatik leihan. Euskal Herriko kopako 10 aurrenen artean sartzea lortu zuen Piruk.
 |
| From 20120108 bandres arette |
Eñaut ere ez zen atzean geratu,
 |
| From 20120108 bandres arette |
eta senior kategoriako lehenengo urteetako Promesa kategoriako txapela lortu zuen.
 |
| From 20120108 bandres arette |
Horrela bada, asebeterik itzuli dira elgoibartarrak, Lehen postu bat, bigarren postu bat, eta euskal herriko txapelketako lehenengo hamarren artean sailkatu direlarik.
 |
| From 20120108 bandres arette |
 |
| From 20120108 bandres arette |
Halere, zerbait azpimarratzekotan, probaren parte hartze herrikoia izan zen: lehenek behar izan zuten 36 minututatik azkenen ordu eta erdi artean Antxon zenari omenaldi xume hau egiteko batu ziren 128 lagunak pozik hartu zuten haren testigua.
 |
| From 20120108 bandres arette |
Info gehiago:
http://inigolariz.blogspot.com/
http://www.deporbox.com/Evento/ICRONOESCALASPORTFUL
Eitb-n
Astebukaera honetan, ostiralian botatako elur apurrak aprobetxatzeko aukeria izan genduan, neronek eta anoetako bi lagunek. Hiruron artian furgoneta bete, eta Gavarnie ingurura juatia pentsatu genduan astebukaera pasa.
Iluntzian ein genduan bidaixan ostian, Col de Tentes lepora arte ixo ginan, errepidia elur-kapa fin batekin zauan arren. Eguraldixa nahiko estalitxa zauan eta ez genduan inguruko ezer ikusten.
Larunbat goiza etorri zan eta eguna lainotuta atera bazan ere, goruntz abiatzia pentsatu genduan. Taillonerantz jotzia zan gure asmua eta halaxe ein genduan.
Gora jun hala, eta hasierako elur eskasixa ikusitxa, poztasuna etorri jakun elur-maila handitzen zixelako eta pixkanaka harrixak ere estalitxa agertzen zialako. Sarradets-eko aterpetxera iritsi hala, Tailloneko ipar glaziarra eta Gavarnieko zirkua hasi zian agertzen gure aurrian: Astazous, Marboré, Ur-jausiko tontorrak, Casco… ikuspegi paregabia egixa esan, elurrez estalitxa ikusgarrixa!
Bidian aurrera ginduazen, Errolanen Arrailara bidian (Brecha de Roland) eta eguzkixa zertxobait estalitxa egon arren, egualdixa hobetzen ari zan.
Behin Bretxa pasata, elur gogorra aurkitxu genduan, goialdian haiziak gogor jotzen baitzaban, eta hori dela eta, kranpoiak jarri genitxuan. Azkenian tontorrera Erlantz (argazkixan) bakarrik ailegau zan, baina hiruron tontor bezela hartu genduan, azken finian zer da ba laguntasuna?
Jaitsieran elur edarra hartu genduan toki batzuetan eta emoziuak jota argazkixak ateratzia ahiztu jakun.
Behin furgonetara itzulitxa, eta bazkarixa prestatzen ari ginala, sorpresatxo bat auki genduan. Leo, Amaia eta txikixa agertu jakuzen parkinian. Berriketalditxo baten ostian, hurrengo egunian (igandia) Leo ixoko zalakuan gelditxu zan.
Gauian berriz, afaldu berritxan furgoneta batek bozinia jo zaban. Kanpora atera eta hala, Lasku eta Txirios agertu jakuzen. 3 furgoneta/kotxe parkinian eta hoietako bitxan morkaikotarrak geunden, kasualidadia ote?
Baina hori gutxi balitz, igande goizian esnatu eta beste sorpresa bat. Leo, Lasku eta Txirios eskixak janzten ikustiaz gain, Zubi eta Maite ere hortxe daoz gora juteko prest! 6 morkaikotar Tenteseko lepuan, hau kasualidadia da bai!
Azkenian, bostak batera Taillonerantz abiatu zian, eta guk berriz (Erlantz Cascora jun zan bakarrik), juan zan egunian “ein” genduanez, palatxo edar batzuk bilatu genitxuan jaitsierako elurrakin disfrutatzeko.
Eguna bukatzeko, Leok segitxuan ixo eta jaitsi zabanez, eta Zubi eta Maite zertxobait geixao ibili zianez mendixan, Txirios eta Laskukin argazkixa atera eta itzulerako bidia hartu genduan Elgoibarrera bidian. Eta holaxe, sorpresaz beteriko astebukaeria izan zan, elur ona hartu eta tenporadia estrenatzeko emozioz betia.
eta oin, aber elurra eitxen daban…
Gaur, azaroak 27, domeka. 8 gradu markatzen ditu termometroak eta lainotuta dago. 9retan lagunak mendi buelta bat emateko gelditxu gera.
Karakatera egurran bidetik (P3n bidea bezela ere ezagutzen dena) goaz. Bidea hostoz beterik eta humela dago eta poliki poliki goraka goaz. Aldapa gogorra da baina bidea garbi dago eta Txetok jarritako sokak ere lagungarriak dira. Eskerrik asko Txeto!! Konturatu orduko goiko parteko pagadietan gaude. Pagoak goroldioz estalita daude. Magia puntu bat ere badu baso honek.
Azken aldapa gainditu eta Karakateko aparkalekuan agertu gera. Argitasuna, eguzki izpien epeltasuna, ikuspegi bikaina. Etxea ordu batetara daukagu eta beste mundu baten gaude. Irukurutzeta aldera paseo bikain bat daukegu aurretik. Alfonbra berde bat azpian, laino itsasoa inguruan eta zeru urdina gainean. Bai, edozeinek ez du etxetik horren gertu horralako bida batez gozatzeko aukera. Pribilegiatuak gera.
 |
| De Karakate3kurutzeta2011 |
Berriketan goaz eta konturatu orduko Irukurutzetako gailurra aurrean dugu.
 |
| De Karakate3kurutzeta2011 |
Buzoira gerturatu gera bertan atseden hartu eta momentuaz gozatzeko. Bergararrak, Azkoitiarrak eta Elgoibartarrak koinziditxu dogu bertan. Talde argazkia ere atera digute:
 |
| De Karakate3kurutzeta2011 |
 |
| De Karakate3kurutzeta2011 |
Hemendik Azkarate gainera jeitsi eta egarria kentzeko asmoz Otarrera hurbildu gera. Bazkaltzeko ordua ere bada eta lainoek zerua estali dute. Epeltasuna joan da eta hoztu aurretik bagoaz barrura bapo bazkaltzera.
 |
| De Karakate3kurutzeta2011 |
Zalantzarik gabe, pribilegiatuak gara.
Pirinioak mintzagai direnean, gehienetan mendi altuez eta haran ezagunenetaz hitz egiten dugu, hala nola, Aran bailara, Benasque, Aneto, Perdido…
Nire ustez ordea, mendikate alpino hau, mundu txikitxo bat da mundu handi baten barnean atxiloturik gelditu dena. Hori dela eta, gaurkoan pare bat proposamen luzatuko dizkizuet zuek ere disfrutatu ditzazuen. Proposamen hauek bi ibilaldi ezberdin dira, baina beti ere, Tena bailaran dauden aintzira ezberdinak ezagutzeko gonbitea egiten dizuet.
Ibilalbideen zailtasun-mailari begiratzen badiogu, errazak direla esango nuke, distantzia ez da oso handia eta bide egokiak dira, mendiko zapatiletan edo trekkineko botekin egiteko modukoak.
Aukeran jartzen dizkizuedan bi ibilaldi hauek jende asko erakartzen dute, hau da, ezagunenak direla esango nuke eta hortaz, ez dago galtzeko arriskurik beti ere bideko mugarri eta seinaleei adi bagabiltza.
Ezaugarri hauek betetzen dituzten ibilaldien barnean aintzira politenak mendi hauen ingurukoak dira: Anayet, Arriel, Brazato, Infiernos eta Argualas-Garmo Negrokoak.
Nire gaurko proposamenak Arrieleko eta Ordicusoko aintziretara joateko ibilbideenak dira.
Sarrera honekin amaitzeko gauza bat argitu nahi nuke. Nahiago nuke laku hitza erabiltzea, baina geografikoki desegokia denez, laku batek kilometro bateko luzeera eta 40 metroko sakonera izan behar baititu hala deitzeko, aintzira edo gaztelerako ibon bezala aipatuko ditut. Horrez gain esan, ibilbideetan adierazten dudan ordutegia gutxi gorabeherakoa dela, guztiok ez baitugu erritmo berdina oinetan.
1. ibilbidea: ARRIELEKO AINTZIRAK
Arriel edo Saldiecho mendia Tena bailaran sartzen garen neurrian agertzen da urrutian, piramide perfektu baten isla balitz bezala. 2.822 metroko garaiera duen menditzar honek Pirinioetako aintzirarik ederrenetarikoak ezkutatzen ditu bere inguruan, hauexek dira Arrieleko aintzirak.
Irteera-puntua, Sallent de Gállego herritik gora dagoen La Sarrako urtegiaren atzeko parkinean (1.440m) ezarriko dugu. Hemendik, Respomuso aterpetxera doan GR-11 bidea hartuko dugu, bidea baino autopista bat ematen duena, jende ugari ibiltzen baita egunean zehar.
Azkenengo metroetan bidea haitz-tarte batean sartzen da eta bertatik ikuspegi zoragarria dago Balaitus eta Frondiellak ikusten baitira. Hemendik Arrieleko beheko aintzirara iristen gara (2.180m), non Frondielletako zirkua gainean edukiko dugu (2h 30′- 3h).
Bidean aurrera egin ezkero Arrieleko goi aintzirara iritsiko gara (2.240m), eta bertatik ikus daitezkeen mendiak ikaragarriak dira: Balaitus, Frondiellak, Palas, Arriel…
Itzulerarako bidea luzatu eta ederragoa egiteko Respomusora abiatuko gara Kontrabandisten bidetik.
Berriz ere beheko aintzirara jaitsi eta ezkerretik gorantz doan bidea hartuko dugu. Bide honek hasieran metro batzuk igotzen baditu ere, gainontzekoa altuera galtzen egingo dugu. Benetan Kanadan gaudela dirudi.
Respomusora iristean (2.200m), ura betetzeko iturria dago eta urtegiaren inguruan bazkaltzeko toki ederrak daude (4h). Inguruan zirku itzela dugu, Balaitus eta Frondiellak ikusteaz gain beste mendi asko ere bertan dauzkagu: Cristales, Gran Facha, Llena Cantal, Tebarrai, Forqueta, Musales…
Urtegia nahiko handia da baina buelta ematea oso gomendagarria iruditzen zait, eta ordubete inguruan egin daiteke (5h).
Azkenik jaisteko bidea hartuko dugu La Sarrara bidean. Bide hau igoeran hartu duguna da, baina bidegurutzean utzi duguna Arrieleko aintziretara igotzeko.
Pare bat orduren buruan La Sarrako parkinean gara egunpasa ederra eginda (7h). Amaitzeko gauzarik onena errekan bainu freskagarri bat hartzea izan daiteke.
2. ibilbidea: ORDICUSOKO AINTZIRAK
Bigarren proposamen honen irteera-puntua Panticosako Bainuetxean (1.636m) ezarriko dugu. Gaur egungo krisia dela eta bertako eraikuntza-lanak geldituta daude eta itxura negargarria erakusten du, dena lotsagabe batzuen erruz!
Igoerari ekiteko, urtegia alde batetik bestera igaro behar dugu iparralde norabidean dagoen basora bidean. Bidea oso ondo dago, seinale eta mugarri askorekin markatuta. Zig-zag batzuen bitartez altuera azkar irabazten da pinu gorri (Pinus sylvestris) eta pinu beltzez (Pinus uncinata) osaturiko basoan gora egin hala.
Poliki-poliki konturatuko gara zuhaitz kontzentrazio eta kopurua jaitsi egin dela eta horrela goi larre batera iritsiko gara, Malleta Baja de las Argualas delakoa (1h). Puntu honetan (1970m) Pondielloseko lepora eta mendi altuetara doan bide zabala utzi behar dugu.
Mugarri batek adierazten duen bidegurutze batean, ezkerretara dijoan bidexka hartu behar dugu. Bidexka berri honek gora egiten du erreka baten ondotik.
Igoera lasaia eta polita da, amaiera aldean aldapa zertxobait areagotzen bada ere. Hala, Ordicusoko goiko aintzirara iritsiko gara (2095m) lehenengo eta zertxobait behera egin ostean beheko aintziran aurkituko gara (2h).
Bertatik ikuspegi zoragarria dago inguruko mendiengan. Gainean dauzkagu Argualas, Garmo Negro eta Pondiellos tontorrak eta panoramika zabalduz gero agertzen dira Panticosako zirkua osatzen duten gainontzeko guztiak (Xuan, Batanes, Bacias, Brazato…).
Jaitsierarako bide ezberdinak hartu ditzakegu hasierako zatian, hala ere, igoeran igaro dugun goi-larrera eramango gaituzte (2h 45′). Hemendik, hasierako bide zabala hartu eta Panticosako bainuetxera jaitsiko gara (3h 30′).
Welcome to Morkaiko Blogak. This is your first post. Edit or delete it, then start blogging!
Written by 
Written by 
Written by 
Written by 
Written by